دہلی تشدد پر آج بھی دونوں ایوان میں ہنگامہ کے آثار ہیں۔ لوک سبھا کے اسپیکر اوم بڑلا نے تمام پارٹیوں سے تعاون کرتے ہوئے پارلیمنٹ کے اجلاس کو پر امن چلانے کی گذارش کی ہے اور اس کے لیے آل پارٹی میٹنگ بلائی ہے۔
وہیں پارلیمنٹ کے باہر 'عآپ' کے رہنما نے گاندھی کے مجسمہ کے سامنے بی جے پی کے خلاف مظاہرہ کیا۔
دہلی فساد کے معاملے پر بجٹ اجلاس کے دوسرے مرحلے کے پہلے دن پارلیمنٹ میں جم کر ہنگامہ ہوا، حزب اختلاف نے دہلی تشدد پر وزیر داخلہ امت شاہ سے استعفے کی مانگ کی جس کے بعد حزب اختلاف اور برسر اقتدار کے ایوان نمائندگان کے درمیان زرودار بحث ہوئی۔
پارلیمنٹ میں ہنگامہ آرائی میں اس وقت شدت آگئی جب حزب اختلاف اور برسر اقتدار جماعتوں کے ایوان نمائندگان کے درمیان دھکا مکی ہوئی، جس کے بعد دونوں ایوان کی کارروائی کو ملتوی کرنی پڑی۔
آج بھی ہنگامہ کو دیکھتے ہوئے لوک سبھا کے اسپیکر نے تمام اپوزیشن پارٹیوں سنے تعاون کرکے پرامن اجلاس چلانے کی اپیل کی۔
