‎‎ڈاکٹر ظفر الاسلام کو دہلی پولیس کا نوٹس

دہلی پولیس کی اسپیشل سیل نے دہلی اقلیتی کمیشن کے صدر ظفرالاسلام کو نوٹس بھیج کر پوچھ گچھ کے لیے طلب کیا ہے۔

دہلی اقلتی کمیشن کے صددر ڈاکٹرظفرالاسلام نے بتایا کہ دہلی پولیس کی اسپیشل سیل کے عہدیداروں نے انہیں نوٹس بھیج کر پوچھ گچھ کے لیے دو دنوں میں طلب کیا ہے۔

ڈاکٹر ظفرالاسلام پر فیس بک پر متنازع پوسٹ کرنے کا الزام ہے، جس کے بعد ان کے خلاف ملک سے غداری کا معاملہ درج کیا گیا تھا، حالانکہ انہوں نے عوامی رابطے کی ویب سائٹ پر اس پوسٹ کے بعد معافی مانگ لی تھی۔