دہلی-این سی آر میں بارش

اتوار کی صبح دہلی این سی آر کے مختلف علاقوں میں موسلا دھار بارش ہوئی جس سے مختلف علاقوں میں پانی جمع ہونے کی خبر ہے۔

خطہ قومی دارالحکومت دہلی کے مختلف علاقوں میں علی الصباح سے موسلا دھار بارش کا سلسلہ جاری ہے۔ بارش کی وجہ سے سڑکوں پر پانی جمع ہوگیا ہے اور کچھ شاہراہوں پر گاڑیاں پانی میں پھنسی ہوئی نظر آرہی ہیں۔

دہلی-این سی آر میں اتوار کی صبح بارش

محکمہ موسمیات (آئی ایم ڈی) نے 10 جون سے تین دن تک گرج چمک کے ساتھ بارش کے امکان کی توقع کی ہے۔

انڈیا میٹیرولوجی ڈپارٹمنٹ (آئی ایم ڈی) کے مطابق اس کے بعد کم سے کم اور زیادہ سے زیادہ درجہ حرارت بالترتیب 29 سیلسیئس اور 42 سیلسیئس کے قریب رہنے کا امکان ہے۔

آئی ایم ڈی نے آج دوپہر میں بھی دہلی-این سی آر میں ہلکی بارش کی پیش قیاسی کی ہے۔