سونے کی قیمت میں اضافے سے صرافہ بازار کی رونقیں ماند پڑ گئیں

سونے کی قیمت بڑھنے کے سبب لوگوں نے فی الحال خریداری ترک کردی ہے۔ بازاروں میں بھیڑ تو موجود ہے لیکن دکانیں خریداروں سے خالی ہیں۔

سونا دنیا کی قیمتی ترین دھاتوں میں سے ایک ہے بھارت میں سونے کا استعمال خاص طور پر خواتین کے زیورات کے لیے استعمال میں لایا جاتا ہے۔ تاہم سونا کاروبار کے لیے بھی بہت مفید ثابت ہوتا ہے۔

سونے کی قیمتیں آسمان کو چھونے لگیں ہیں فی تولہ سونے کی قیمت 49 ہزار 400 تک پہنچ گئی ہے جبکہ گزشتہ روز بازار بند ہونے تک سونے کی قیمت 49 ہزار 170 تھی۔

صرافہ بازار اور مارکیٹ میں سونے کی قیمتوں میں اضافے کا رجحان برقرار ہے جس نے صرافہ بازاروں کی رونقوں کو ماند کر دیا ہے۔ اب بازاروں میں دکاندار گاہکوں کی راہ تک رہے ہیں۔

دارالحکومت دہلی کے چتلی قبر بازار کے دکانداروں کے مطابق سونے کی تیزی سے بڑھتی ہوئی قیمتیں گاہکوں کے ساتھ تاجروں کے لیے بھی درد سر بنی ہوئی ہیں۔ سونے کی قیمتیں بلند ترین سطح پر ہونے کے باعث بازاروں کی رونقیں ماند پڑ گئی ہیں اور تجارت بھی شدید مندی کا شکار ہے۔

سونے کی قیمت بڑھنے کے سبب لوگوں نے فی الحال خریداری ترک کردی ہے۔ بازاروں میں بھیڑ تو موجود ہے لیکن دکانیں خریداروں سے خالی ہیں۔