دہلی کے براری سے ایک، مٹیالہ سے ایک اور نئی دہلی اسمبلی حلقہ سے ایک ہی امیدوار نے تین کاغذات نامزدگی داخل کیے۔
کاغذات نامزدگی جمع کروانے کی آخری تاریخ 21 جنوری ہے۔ کاغذات نامزدگی کی جانچ پڑتال 22 جنوری کو کی جائے گی جبکہ کاغذات نامزدگی 24 جنوری تک واپس لیے جاسکیں گے۔
قومی دارالحکومت میں اسمبلی انتخابات آٹھ فروری کو ایک مرحلے میں ہوں گے جبکہ ووٹوں کی گنتی 11 فروری کو ہوگی۔ ان انتخابات میں ایک کروڑ 47 لاکھ ووٹرز ہیں۔ ان میں 80.55 لاکھ مرد اور 66 لاکھ سے زیادہ خواتین ووٹر ہیں۔
واضح رہے 70 رکنی اسمبلی میں 12 نشستیں شیڈول کاسٹ کے لیے مخصوص ہیں۔ گذشتہ اسمبلی انتخابات میں اروند کیجریوال کی سربراہی میں عام آدمی پارٹی نے 67 نشستوں پر کامیابی حاصل کی تھی جبکہ بی جے پی نے صرف تین سیٹوں پر کامیابی حاصل کی تھی اور کانگریس کا کھاتہ بھی نہیں کھل پایا تھا۔