ایل اے سی پر کشیدگی: وزیر دفاع کی فوجی جنرل کے ساتھ میٹنگ

سرحد پر بھارت اور چینی افواج کے مابین جاری کشیدگی کے بعد وزیر دفاع راجناتھ سنگھ نے چیف آف ڈیفنس اسٹاف جنرل بپن راوت سے میٹنگ کی۔

راجناتھ سنگھ کی اس میٹنگ میں تینوں آرمی چیف اور وزیر خارجہ ایس جے شنکر بھی شریک ہوئے اور اس دوران مشرقی لداخ میں حالیہ پیش رفت اور سرحدی معاملات پر تبادلہ خیال کیا گیا۔

بھارت اور چینی افواج کے مابین سرحد پت ایک بار پھر سے حالات کشیدہ ہوگئے ہیں۔ جس میں بھارتی فوج کے ایک افسر اور دو فوجی جوان ہلاک ہوگئے ہیں۔

اس دوران فوجی سربراہ جنرل ایم ایم نروانے کا پٹھان کوٹ ملٹری اسٹیشن کا دورہ منسوخ کر دیا گیا ہے۔

بشکریہ ٹویٹر

گزشتہ شب گلوان وادی میں پیدا شدہ صورتحال پر بھارت اور چین کے اعلی عہدیداروں کے درمیان بات چیت جاری ہے اور گلوان وادی، لداخ اور دیگر علاقوں میں جاری صورتحال سے نمٹنے کے بارے میں بات کر رہے ہیں۔