کووڈ 19سے موت، ریڈکراس سوسائٹی کے والنٹرس نے آخری رسومات کیلئے عہدیداروں کی مدد کی

ریاست آندھرا پردیش میں کووڈ 19سے ہوئی موت کے بعد رشتہ داروں کی جانب سے آخری رسومات سے خوفزدہ ہونے پر انڈین ریڈکراس سوسائٹی کے والنٹرس نے اس شخص کی آخری رسومات کیلئے عہدیداروں کی مدد کی۔

یہ واقعہ اے پی کے ضلع سریکاکلم میں پیش آیا۔کورونا سے ہوئی موت کے بعد اس شخص کے خاندان کے رکن نے اس خدشہ کا اظہار کیا تھا کہ اس کی آخری رسومات کی ادائیگی کے دوران کوئی بھی کورونا سے متاثر ہوسکتا ہے۔

اس خوف سے اس شخص کے ارکان خاندان نے اس کی آخری رسومات انجام نہیں دی جس کے بعد انڈین ریڈکراس سوسائٹی کے دس ارکان نے پروٹوکول کے مطابق اس شخص کی آخری رسومات انجام دینے کے لئے عہدیداروں کا تعاون کیا۔