سی بی آئی کے ترجمان نے منگل کے روز یہاں بتایا کہ سات لاکھ روپیے کی رشوت کے معاملے میں قومی دارالحکومت دہلی کے تغلق آباد واقع اِنلینڈ کنٹینر ڈپو (آئی سی ڈی) کے ایپریزر سوربھ شرما، کسٹم ہاؤس ایجنٹ نیرج، بچولیہ رام کشن مشرا اور کشور کمار کو گرفتار کیا گیا ہے۔ سوربھ شرما کا تبادلہ گزشتہ ماہ چنئی واقع محکمہ کسٹم کے چیف کمشنر میں ہو گیا تھا۔
ترجمان نے بتایا کہ ملزمان اور دیگر کے خلاف مقدمہ درج کیا گیا تھا۔ ان پر یہ الزام تھا کہ وہ درآمدات اشیا کو کسٹم کلیئر کروانے کے لیے بچولیہ کے ذریعے رشوت لیتے تھے۔
اس نے ایک پارٹی سے سات لاکھ روپیے کا مطالبہ کیا تھا اور بچولیہ اور ایک دیگر شخص سے کہا تھا کہ وہ سات لاکھ روپیے دیں، سی بی آئی نے جال بچھا کر بچولیہ، سوربھ شرما کی جانب سے پیسہ وصولنے والے شخص اور کسٹم ہاؤس ایجنٹ کو سات لاکھ روپیے کا لین دین کرتے رنگے ہاتھوں گرفتار کر لیا تھا، بعد ازاں سوربھ شرما کو بھی گرفتار کر لیا گیا۔
سی بی آئی نے ایپریزر کے چنئی واقع دفتر، اس کے تغلق آباد واقع پہلے کے دفتر اور ملزم کے دہلی اور نوئیڈا واقع رہائشی احاطوں پر چھاپے مارے جس میں کئی قابل اعتراض دستاویز اور تقریباً ایک کروڑ روپیے نقد برآمد کیے گئے۔
