محمد سلیم کا بی جے پی اور آر ایس ایس پر سنگین الزام

سی پی آئی ایم کے سرکردہ رہنما محمد سلیم نے بی جے پی اور آر ایس ایس پر کسانوں کی تحریک کو کچلنے کے لئے سازش کرنے کا الزام عائد کیا.

مغربی بنگال سی پی آئی ایم کے سرکردہ رہنما محمد سلیم نے کہا کہ 26 جنوری کو لال قلعہ پر جو کچھ بھی ہوا اس پر بے حد افسوس ہے.

انہوں نے کہا کہ گزشتہ دو مہینوں سے کسانوں کی تحریک پرامن طریقے سے چل رہی تھی لیکن اچانک ایسا کیا ہو گیا کہ مظاہرین مشتعل ہو گئے.

سی پی آئی ایم پولیٹ بیورو کے رکن محمد سلیم نے بی جے پی اور آر ایس ایس پر کسانوں کی تحریک کو کچلنے کے لئے سازش کرنے کا الزام عائد کیا.

محمد سلیم نے کہا کہ کسانوں کی تحریک کامیابی کی جانب گامزن ہے. کسی کو یقین نہیں تھا کہ پورے ملک میں اس تحریک کو اتنی بڑی حمایت ملے گی.

انہوں نے کہا کہ بی جے پی اور آر ایس ایس کسانوں کی تحریک کو کچلنے کے لئے سازش کی اور دیپ سدھو اس میں مرکزی کردار ادا کیا.سی پی آئی ایم کے رہنما کا کہنا ہے کہ جس طرح سے جے این یو معاملے میں ایس ایف آئی کی رہنما آیشی گھوش پر حملہ کرنے والے کی گرفتاری عمل میں نہیں آئی، کپل شرما آزاد گھوم رہا ہے ٹھیک اسی طرح دیپ سدھو کی بھی گرفتاری عمل نہیں آئے گی.انہوں نے کہا کہ لال قلعہ واقعات کو روہنگیا اور بنگلہ دیشی شہریوں سے جوڑنے کی کوشش کی جا رہی ہے. اس کی تحقیقات ہونی چاہئے سی پی آئی ایم کے سرکردہ رہنما محمد سلیم کے مطابق اس معاملے میں میڈیا والوں کا رول افسوسناک رہا ہے. ہندی کے ساتھ ساتھ بنگلہ نیوز چینلز نے کسان مخالف خبریں چلائی.