آر ایم ایل ہسپتال میں مریضوں کے ساتھ ناروا سلوک

آر ایم ایل اسپتال میں مریضوں کو کووڈ 19 وارڈ کے اندر رکھ کر باہر سے تالا لگا دیا جاتا ہے،جس کی وجہ سے مریض پریشان ہیں، ان کا دم گھٹ رہا ہے اور سانس لینے میں تکلیف ہو رہی ہے،وہ ہاتھ جوڑ کر باہر نکلنے کی فریاد کررہے ہیں، اس کے باوجود ان کی فریاد رسی نہیں کی جاتی ہے۔

دارالحکومت دہلی میں کورونا وائرس کا قہر جاری ہے، وہیں آر ایم ایل ہسپتال میں کووڈ مریضوں کے ساتھ ناروا سلوک کرنے کا الزام لگایا گیا ہے۔
الزام ہے کہ یہاں مریضوں کووڈ وارڈ کے اندر رکھ کر باہر سے تالا لگا دیا جاتا ہے۔ مریض پریشان ہو رہے ہیں، ان کا دم گھٹ رہا ہے اور سانس لینے میں تکلیف ہو رہی ہے۔وہ ہاتھ جوڑ کرفریاد کررہے ہیں۔

ای ٹی وی بھارت کے نمائندے کو ملے ویڈیو سے معلوم ہوتا ہے کہ ہسپتال کی حالت بہت خراب ہے۔

مریضوں کو وارڈوں میں بند رکھا جا رہا ہے۔ ایئر کنڈیشن بھی نہیں چل رہی ہے۔

یہ دہلی کے کووڈ19 کے بڑے ہسپتالوں میں شامل ہے، جو مرکزی حکومت کے زیر انتظام ہے۔

ای ٹی وی بھارت کے نمائندے نے بتایا کہ یہاں مریضوں کو مجرم قیدیوں کی طرح بند وارڈوں میں رکھا جارہا ہے۔ اندر نمی اور گرمی کی وجہ سے مریضوں کی حالت خراب ہوتی جارہی ہے اور ان کے وارڈ کو باہر سے بند کردیا گیا ہے۔

بےچینی اور گھبراہٹ کی وجہ سے لوگوں کا برا حال ہے۔ وہ ریسٹ روم میں نہیں جا سکتے۔

کیا ڈاکٹر اس طرح کورونا کے ساتھ لڑ رہے ہیں؟

ایک مریض نے یہ تک کہا کہ ہمیں پھانسی دو، لیکن دروازہ کھول دو۔

انہوں نے کہا کہ کیا ہم نے کوئی ایسا جرم کیا ہے جو ہمیں قیدیوں کی طرح بند کر رہا ہے؟

جواب کچھ بھی نہیں ہے۔