نربھیا کیس: مجرموں سے متعلق درخواست مسترد

نئی دہلی۔ پٹیالہ ہاؤس کورٹ نے نربھیا کے مجرموں سے ملنے کے لئے ان کے اعضاء کو عطیہ کرنے کی ترغیب دینے کی درخواست کو بھی مسترد کردیا۔ عدالت نے عرضی گذار سے کہا کہ 'آپ کا اس کیس سے کوئی تعلق نہیں ہے'۔

یہ درخواست ریکو نامی ایک غیر سرکاری تنظیم کی جانب سے دائر کی گئی تھی درخواست گزار کی جانب سے وکیل شیوم شرما نے پیروی کرتے ہوئے کہا کہ عدالت نے چاروں مجرموں کو 22 جنوری کی صبح سات بجے پھانسی دینے کا فیصلہ کیا ہے، لہٰذا وہ چاہتے ہیں کہ چاروں قصورواروں سے ماہرین نفسیات، وکیل، روحانی رہنما اور سماجی کارکنان ملیں اور انہیں اپنا جسم عطیہ کرنے کی ترغیب دیں، وہ چاہتے ہیں کہ قصورواروں کا جسم ان کی موت کے بعد بھی کچھ لوگوں کے کام آ سکے۔

واضح رہے کہ گزشتہ سات جنوری کو پٹیالہ ہاؤس کورٹ نے چاروں مجرموں کو سزائے موت سنایا تھا، عدالت نے 22 جنوری کی صبح سات بجے پھانسی دینے کا حکم دیاہے۔ اس کے بعد ایک مجرم نے گزشتہ 9 جنوری کو سپریم کورٹ میں كيوریٹیو پٹيشن دائر کیا ہے۔