رکن پارلیمان کی کمپنی پر بدعنوانی کا کیس درج

سی بی آئی دہلی یونٹ نے رکن پارلیمان رگھورام کرشن راجو کی کمپنی کے ڈائریکٹر اور عہدیداروں کے خلاف کیس درج کیا۔

سی بی آئی نے آندھراپردیش کے رکن پارلیمان رگھورام کرشن راجو کی ملکیت والی انڈ بھارت تھرمل پاور لمیٹڈ، کے خلاف 828.17 کروڑ روپئے کی بدعنوانی کے الزام میں کیس درج کیا ہے۔

21 مارچ کو ، پنجاب نیشنل بینک کے چیف منیجر، سورب ملہوترا کی شکایت کے بعد سی بی آئی دہلی یونٹ نے مذکورہ کمپنی کے ڈائریکٹر اور عہدیداروں کے خلاف کیس درج کیا۔

واضح رہے کہ رگھورام کرشن راجو آندھراپردیش کی حکمراں جماعت وائی ایس آر کانگریس کے باغی رہنما مانے جاتے ہیں۔ انھوں نے ریاستی حکومت اور حکمراں جماعت کے رہنماوں سے جان کا خطرہ بتایا تھا۔اور مرکز سے انھوں نے خصوصی سیکوریٹی بھی حاصل کی۔