مرکزی وزارت صحت کی جانب سے جاری کردہ اعداد و شمار کے مطابق گزشتہ 24 گھنٹوں کے دوران ملک میں کورونا وائرس کے 16 ہزار 922 نئے معاملات سامنے آئے ہیں اور اس دوران اس وبأ کے سبب 418 مریضوں کی موت واقع ہوئی ہے۔
بھارت میں اب کورونا وائرس کے کل مریضوں کی تعداد 4 لاکھ 73 ہزار 105 ظاہر کی جارہی ہے اور اس مہلک وبأ سے اب تک 14 ہزار 894 مریضوں کی موت واقع ہوئی ہے۔
حالانکہ اس کورونا وبأ سے اب تک 2 لاکھ 71 ہزار 697 مریض صحتیاب ہوئے ہیں۔
اس وائرس سے سب سے زیادہ متاثر مہراشٹر ہے جہاں اب تک 1 لاکھ 42 ہزار 900 افراد کے اس وائرس سے متاثر ہونے کی تصدیق ہوئی ہے جبکہ 6 ہزار 739 مریضوں کی موت بھی واقع ہوئی ہے۔
حیران کن بات یہ ہے کہ کورونا متاثرین کے معاملے میں دارالحکومت دہلی دوسرے نمبر آچکی ہے جہاں 70 ہزار 390 افراد متاثر ہوئے ہیں جبکہ 2 ہزار 365 افراد افراد اپنی جان گنواچکے ہیں۔
جنوبی ریاست تامل ناڈو اس معاملے میں تیسرے نمبر پر ہے، یہاں 67 ہزار 468 افراد عالمی وبأ سے متاثر ہوئے ہیں جبکہ 866 افراد اپنی زندگی کی جنگ ہار گئے۔