ایک سرکاری ترجمان نے آج یہاں اطلاع دیتے ہوئے بتایا کہ ریاستی حکومت نے حکم جاری کیا ہے کہ کوئی بھی نجی لیباریٹری کورونا کے لئے آر ٹی۔پی سی آر ٹیسٹ کے لئے سبھی ٹیکسوں سمیت 2400 روپے سے زیادہ فیس نہیں لے گی۔
آئی سی ایم آر کی ہدایات کی پیروی کرتے ہوئے ریاست میں کورونا جانچ نجی لیباریٹریوں کے ذریعہ کرائے جارہے ہیں، جس کی پہلے قیمت 4500 فی جانچ تھی۔ اس کے علاوہ لیباریٹریوں کو یہ بھی ہدایت دی گئی ہے کہ وہ جانچ کی شرحیں صحیح طریقے سے واضح کریں۔
انہوں نے بتایا کہ نجی لیباریٹریوں کو کورونا جانچ سے متعلق نتائج کے حقیقی ٹائم کے مطابق ڈاٹا ریاستی حکومت اور آئی سی ایم آر کے ساتھ اشتراک کرنا ہوگا۔ جس شخص کا ٹسٹ کیا جائے گا اس کے اور سمپل لیتے وقت، شخص کی شناخت، پتہ اورموبائل نمبر، سمپل ریفرل فارم (ایس آر ایف) کے مطابق ریکارڈ کے لئے نوٹ کرنا، سمپل لیتے وقت ڈاٹا کو آر ٹی۔ پی سی آر پر اپلوڈ کرنا، جانچ رپورٹ مکمل ہونے پر فوری طور سے مریض کو اور جانچ پازیٹیو پائے جانے پر متعلق لیباریٹریوں کو ضلع سول سرجن کو ای میل کے ذریعہ اطلاع دینا ضروری ہوگا۔
ترجمان نے بتایا کہ سبھی ضلع کے ڈپٹی کمشنروں اور سول سرجنوں کولیباریٹری پر سخت نگرانی کرنے اور این اے بی ایل اور آئی سی ایم آر کے ذریعہ منظور لیباریٹریوں کے ذریعہ کورونا جانچ شرحوں کو سختی سے نفاذ کرنے کاحکم دیا گیا ہے۔
ترجمان نے بتایا کہ کورونا وبا سے نمٹنے کے لئے ریاستی حکومت مختلف طریقے کو اپنانے کے ساتھ ریاست کے اسپتالوں میں مفت جانچ اور علاج کی سہولت فراہم کررہی ہے۔