اورنگ آباد کی سرحدیں غیر محفوظ

مہاراشٹر کے ضلع اورنگ آباد میں کورونا وائرس کے اب تک گیارہ مریض پائے گئے ہیں جن میں سے ایک مریض کی موت ہوچکی ہے۔

میونسپل انتظامیہ اور ضلع انتظامیہ کا دعویٰ ہے کہ شہر میں لاک ڈاؤن کا نفاذ پوری طرح سے کیا جارہا ہے۔

باہر سے کسی کو آنے کی اجازت نہیں ہیں لیکن زمینی حقیقت کچھ اور بیان کررہی ہے اورنگ آباد شہر میں ہزاروں کی تعداد میں دوسرے شہروں سے لوگ آرہے ہیں۔

ای ٹی وی بھارت کی ٹیم نے اورنگ آباد اجنٹا ہائی وے پر ہرسول علاقے میں واقع اسکریننگ سینٹر کا جائزہ لیا تو پتہ چلا کہ وہاں مسافراور بائیک سواروں پر کوئی روک ٹوک نہیں ہیں۔

لیکن کیمرے میں یہ تصاویر محفوظ ہونے کے بعد سرکاری عملہ حرکت میں آیا اور لاک ڈاؤن میں مزید سختی کی جانے لگی۔