دہلی اسٹیسٹ کینسر انسٹی ٹیوٹ کے ہسپتال کے ایک ڈاکٹر میں کورونا کی تصدیق ہونے کے بعد اس ڈاکٹر کے رابطے میں آئے 19 لوگوں کا ٹسٹ کرایا گیا، جس کے بعد دو جمعہ کو دو نرسنگ آفیسر کی رپورٹ آٗی جس میں وہ دونوں کورونا مثبت پائے گئے اور سنیچر کو ایک اور نرسنگ افسر میں کورونا کی تصدیق ہوئی ہے۔
اسی کے ساتھ دہلی اسٹیٹ کینسر انسٹی ٹیوٹ کے کل چار نرسنگ آفیسر کورونا کی زد میں گئے ہیں۔
یاد رہے کہ دہلی اسٹیٹ کینسر انسٹی ٹیوٹ میں کینسر متاثرہ مریضوں کاعلاج ہوتا ہے، حالانکہ اسپتال کے او پی ڈی خدمات کو پہلے ہی بند کر دیا گیا ہے اور کوشش کی جا رہی ہے کہ وہاں پہلے سے داخل مریضوں کو دوسرے ہسپتال میں منتقل کیا جائے۔
بتایا جا رہا ہے کہ صفدر جنگ اسپتال میں کورونا کے مریض کا علاج کررہی ڈاکٹروں کی ٹیم میں شامل ایک ڈاکٹر ڈیوٹی کے دوران کورونا کی زد میں آگیا ہے، وہیں بائیو کیمسٹری ڈیپارٹمنٹ میں پوسٹ گریجویٹ کورس میں تیسرے سال کی ایک طالبہ خاتون ڈاکٹر میں بھی کورونا مثبت ہونے کی تصدیق ہوئی ہے۔
موصول اطلاعات کے مطابق وہ حال ہی میں بیرون ملک گئی تھی، دونوں میں كووڈ -19 کی علامات ظاہرہونے کے بعد دونوں کے نمونے جانچ کے لیے بھیجے گئے تھے جس کی رپورٹ دو دن پہلے مثبت پائی گئی، دونوں کا علاج صفدرجنگ کے ایک علیحدہ وارڈ میں جاری ہے۔