کیرل میں کورونا کے 2479 نئے معاملے

'ریاست میں 1،97،937 مریض زیر نگرانی ہیں جن میں 1،80،743 گھروں یا اداروں میں کورنٹین ہیں, جبکہ 17،194 مریض اسپتال میں داخل ہیں۔'

کیرل میں کورونا کا قہر رکنے کا نام نہیں لے رہا ہے اور جمعہ کے روز 2479 افراد کے کورونا وائرس سے متاثر ہونے کی تصدیق ہوگئی ہے جبکہ اس بیماری سے11 افراد کی موت ہوگئی ہے۔

وزیر صحت کے شیلجا نے آج شام یہاں ایک بیان جاری کرکے یہ اطلاع دی۔ انہوں نے کہا کہ ریاست میں 1،97،937 مریض زیر نگرانی ہیں جن میں 1،80،743 گھروں یا اداروں میں کورنٹین میں ہیں جبکہ 17،194 مریض اسپتال میں داخل ہیں۔ اب تک یہاں مزید گیارہ اموات کے ساتھ 326 افراد ہلاک ہوچکے ہیں۔ اس عرصے کے دوران ، 2716 مریض صحت مند بھی ہوگئے ہیں۔