بابا رام دیو کا متنازع بیان

یوگا گرو بابا رام دیو نے کہا کہ بہت جلد ملک میں 'ایک ملک ایک قانون' کا نفاذ اور دفعہ 370 کا خاتمہ ہوگا۔

ذرائع ابلاغ سے بات کرتے ہوئے یوگا گرو بابا رام دیو نے کہا کہ مجھے امت شاہ اور وزیراعظم نریندر مودی پر پورا بھروسہ اور وہ جلد ہی دفعہ 370 کو ختم کریں گے۔

انہوں نے کہا کہ کشمیر ہمارا تھا، ہمارا ہے اور ہمارا ہی رہے گا اور ملک مخالف سرگرمیوں میں ملوث افراد کے خلاف سخت کارروائی کی جائے گی۔

بابا رام دیو نے کہا کہ 'مودی پاکستان مقبوضہ کشمیر کو بھی بھارت میں ضم کریں گے اور یہ کام بہت جلد مودی اور امت شاہ کی قیادت میں ہوگا۔'

انہوں نے کہا کہ 'سپریم کورٹ کو جلد سے جلد بابری مسجد اور رام مندر معاملہ پر فیصلہ سنانا چاہیے تا کہ وہاں رام مندر بن سکے۔'