آگرہ ممبئی قومی شاہراہ پر کنٹینر جل کر خاک

کنٹینر کا ایکسل ٹوٹ جانے کی وجہ سے وہ ایک طرف جھک کر گرگیا اور ڈیزل ٹینک سے نکلے ڈیزل سے آگ لگ گئی۔

مدھیہ پردیش کے بڑوانی ضلع کے ٹھیکری تھانہ علاقے کے تحت آگرہ ممبئی قومی شاہراہ پر مویشیوں کے کھانے سے بھرے کنٹینر میں آگ لگ جانےسے وہ جل کر خاکستر ہوگیا۔

ٹھیکری تھانہ انچارج سنجو کامبلے نے بتایا کہ آگرہ ممبئی قومی شاہراہ پر بروپھاٹک قصبے کے نزدیک کل رات کنٹینر کا ایکسل ٹوٹ جانے کی وجہ سے وہ ایک طرف جھک کر گرگیا۔ اس دوران تباہ ہوچکے اس کے ڈیزل ٹینک میں گھسٹنے کی وجہ سے آگ لگ گئی جو پورے ٹینکر میں پھیل گئی۔

اس واقعہ کی اطلاع ملتے ہی فوراً پولیس موقع پر پہنچی اور مختلف مقامات سے فائر بریگیڈ ٹیمیں بلائی گئیں لیکں اس دوران کنٹینر اور اس میں رکھا مویشیوں کا کھانا جل کر راکھ ہوگیا۔واقعہ میں ڈرائیور بھی زخمی ہوگیا ہے۔

اس دوران قومی شاہراہ نمبر دو بند رہی اور ٹریفک کو کچھ دیر کے لئے دوسری طرف کی دو دیگر سڑکوں پر ڈائیورٹ کیا گیا۔ مویشیوں کا کھانا اندور سے ممبئی لے جایا جارہا تھا۔