پرگیہ ٹھاکر کے خلاف کانگریس کا احتجاج

مالیگاؤں دھماکہ کیس کی ملزمہ اور رکن پارلیمان سادھوی پرگیہ سنگھ ٹھاکر کے متنازع تبصرے کے خلاف نوئیڈا میں کانگریس کے کارکنان نے سخت احتجاج کرتے ہوئے ان کا پتلا نذرآتش کرنے کی کوشش کی۔

کانگریس یوتھ صدر پرشوتم ناگر، سٹی صدر شہاب الدین اور ریاستی صدر صدر اوم ویر کی قیادت میں نوئیڈا اسٹیڈیم کے گیٹ نمبر 4 سے احتجاجی ریلی نکالی گئی۔

اس دوران پر گیا ٹھاکر کے خلاف نعرے بازی کی گئی اور ان کی پارلیمنٹ رکنیت معطل کرنے کا مطالبہ کیا گیا ۔ نیز پرگیا کا پتلا نذر آتش کرنے کی کوشش کی گئی۔

پولیس نے حالات بگڑتا ہوا دیکھ کر کانگریس کے اعلیٰ رہنماؤں کو حراست میں لے لیا اور ان کو سیکٹر 24 تھانے لے گئی جہاں گھنٹوں بعد کانگریس کارکنان اور تمام رہنماؤں کو رہا کردیا گیا ۔