'کانگریس دفعہ 370 پر علیحدگی پسندوں کی بولی بول رہی ہے'

مسٹر جاوڈیکر نے کہا کہ کیا کانگریس بہار اسمبلی انتخابات کے لئے اپنے منشور میں دفعہ 370 کو منسوخ کرنے کا ذکر کرسکتی ہے؟

بھارتیہ جنتا پارٹی (بی جے پی) کے سینئر لیڈر اور مرکزی وزیر پرکاش جاوڈیکر نے آرٹیکل 370 پر کانگریس کے لیڈروں کے ذریعہ دیئے گئے بیان پر تنقید کرتے ہوئے کہا کہ کانگریس کے رہنما علیحدگی پسندوں کے سُر میں سُر ملا کر بول رہے ہیں۔

مسٹر جاوڈیکر نے پوچھا کہ کیا کانگریس بہار اسمبلی انتخابات کے لئے اپنے منشور میں دفعہ 370 کو منسوخ کرنے کا ذکر کرسکتی ہے؟

انہوں نے کہا کہ کانگریس کے لیڈروں پی چدمبرم اور دگوجے سنگھ نے دفعہ 370کو ہٹانے کے فیصلے کو غلط ٹھہراتے ہوئے اسے واپس لینے کی بات کہی ہے جو ملک کے لوگوں کے جذبات کے خلاف ہے۔

مسٹر جاوڈیکر نے کہا کہ راہل گاندھی بھی پاکستان کی تعریف کرتے رہتے ہیں، کسی بھی موضوع پر پاکستان اور چین کی تعریف کرنا ان کو بہت اچھا لگتا ہے۔

انہوں نے کہا کہ ملک کے لوگوں نے جموں وکشمیر سے دفعہ 370 کو منسوخ کرنے کے فیصلے کا خیرمقدم کیا تھا۔ دفعہ 370 کے ہٹنے کے بعد جموں وکشمیر اور لداخ میں کتنی ترقی ہوئی ہے یہ سب نے دیکھا ہے۔