عام انتخاب کی سیاسی سرگرمیاں تیز ہو گئیں ہیں کانگریس پارٹی رفائل معاملے کو عوام کے سامنے زور شور سے عوام کے سامنے لانا چاہتی ہے۔
راجیو شکلا نے کانگریس کے آفس تلک حال میں میڈیا سے بات چیت کرتے ہوئے بتایا کہ لوک سبھا انتخابات قریب ہے۔ ایسے میں انتخابات کس طرح جیتا جائے، اس حوالے سے ہم نے پارٹی کے کارکنوں اور عہدیداروں کے ساتھ مذاکرات کی ہے۔ ساتھ ہی متحد ہوکر تنظیم کو مضبوط کرنے کی ہدایت دی۔
ان کا کہنا تھا:' کانگریس ہمیشہ ہی کانپور سے مضبوط رہی ہے اور آگے بھی مضبوط رہے گی'۔
انہوں نے مزید کہا:' کس سے اتحاد کرنا ہے اور کس سے نہیں یہ پارٹی کا ہائی کمان فیصلہ کرے گا ہمیں کسی سے برابری کی ضرورت نہیں ہے'۔
وہیں رفائل کے سوال پر انہوں نے کہا کہ رفائل میں بدعنوانیاں ہوئی ہیں جن میں کچھ صنعت کار بھی شامل ہیں۔ جنہیں فائدہ پہنچایا گیا ہے، وزیر اعظم نے خود اس معاملے میں مداخلت کی ہے جو جگ ظاہر ہے الیکشن کے دوران اس مسئلے کو سنجیدگی سے اٹھایا جائے گا۔
وہیں پلوامہ سانحہ پر راجیو شکلا نے کہا کہ وزیر داخلہ کے ساتھ ملاقات کے دوران تمام اپوزیشن جماعتوں نے متحد ہو کر کہا کہ دہشت گردی کے خلاف ہیں۔ دہشت گردی سے کانگریس کے بڑے لیڈروں کی جان گئی ہے۔ دہشت گردی سے سب سے زیادہ کانگریس پارٹی لڑی ہے۔ اس جنگ میں حکومت جو قدم اٹھائے گی کانگریس ان کے ساتھ ہے۔
خیال رہے کہ آئی پی ایل کے چیئرمین راجیو شکلا کانپور کے رہنے والے ہیں۔ ماضی میں وہ کانپور میں صحافت کیا کرتے تھے۔ آج کانگریس پارٹی سے راج سبھا کے ممبر ہیں ان کا عملی میدان کانپور ہی ہے۔
