راہل گاندھی اور سابق وزیراعظم نے آئین کا عہد پڑھا

قومی دارالحکومت دہلی کے راج گھاٹ پر شہریت ترمیمی قانون اور قومی شہریت رجسٹر کے خلاف احتجاج کے دوران کانگریس کے رہنما راہل گاندھی اور سابق وزیر اعظم منموہن سنگھ نے کانسٹی ٹیوشن پری ایمبل (آئینی عہد) پڑھا۔

اس موقعے پر کانگریس کی عارضی صدر سونیا گاندھی، پرینکا گاندھی، غلام نبی آزاد، احمد پٹیل، آنند شرما، مدھیہ پردیش کے وزیر اعلیٰ کمل ناتھ سمیت بڑی تعداد میں لوگ موجود تھے۔

راہل گاندھی نے نوجوانوں سے سی اے اے اور این آر سی کے خلاف راج گھاٹ میں ہونے والے احتجاج میں شرکت کرنے کی اپیل کی تھی۔

راہل نے ٹویٹ کیا تھا کہ 'عزیز طلبا اور بھارت کے نوجوانو!، یہ کافی نہیں ہے کہ صرف خود بھارتی محسوس کریں۔ ایسے وقت میں آپ کو یہ بتانا چاہیے کہ نفرت کے ذریعے ملک کو برباد نہیں کرنے دیں گے۔'