کانگریس پارٹی کے سینئر رہنما راہل گاندھی نے چینی فوجیوں کی جھڑپ میں ہلاک ہوئی بھارتی فوجیوں کو خراج عقیدت پیش کرتے ہوئے ٹویٹ کیا ہے کہ 'ہمارے بھائیوں کو خراج عقیدت، ہمارے لیے آپ نے سب کچھ نچھاور کردیا، یہ قربانی ہم کبھی نہیں فراموش کریں گے'۔
اس کے ساتھ ہی انہوں نے ہند-چین سرحد پر ہلاک ہونے والے ملک کے بہادر بیٹوں کی آخری رسومات کا ویڈیو بھی پوسٹ کیا ہے۔جس میں زبردست بھیڑ اپنے بہادر فوجیوں کی ہلاکت کو سلام کرتے ہوئے انہیں آخری وداعی دے رہی ہے۔
واضح رہے کہ گزشتہ ہفتے مشرقی لداخ کی وادیٔ گلوان میں چینی افواج سے جھڑپ کے دوران 20 بھارتی فوجی ہلاک ہوگئے تھے۔
