'کانگریس نے مولانا آزاد کو بھلا دیا'

بھارت کے سب سے پہلے وزیر تعلیم مولانا ابوالکلام آزاد کی یوم پیدائش کے موقع پر بی جے پی رہنما شاہنوازحسین نے کانگریس پرنکتہ چینی کی۔

بی جے پی کے رہنما شاہنوازحسین نے مولانا ابوالکلام آزاد کی یوم پیدائش کے موقع پر دہلی میں ان کے مزار پر گلہائے عقیدت پیش کیے۔

اس موقع پر شاہنواز حسین نے کانگریس سے سوال کرتے ہوئے کہا کہ کانگریس ہمیشہ اس بات کا ذکر کرتی ہے کہ مولانا ابوالکلام آزاد ان کے رہنما ہیں اور آج جب یوم پیدائش کا موقع ہے تو کوئی بھی کانگریسی رہنما ان کے مزار پر خراج عقیدت پیش کرنے نہیں آیا۔
انہوں نے کہا کہ مولانا ابوالکلام آزاد کی خدمات ناقابل فراموش ہیں، انہیں بھلایا نہیں جاسکتا، انہوں نے کہا ملک کے لیے مولانا کی خدمات ہمیشہ یاد رکھی جائیں گی۔ انھوں نے کہا کہ مولانا آزاد صرف کانگریس کے نہیں بلکہ پورے ملک کے رہنما ہیں۔