کانگریس کے چیف ترجمان رندیپ سرجے والا نے سابق وزیر خزانہ پی چدمبرم کی ضمانت کی عرضی خارج کرنے والے دہلی ہائی کورٹ جسٹس سنیل گور کو پی ایم ایل اے اپیلیٹ ٹریبونل کے چیئرمین کی نامزدگی کو سیاسی انعام مانتے ہوئے ان کی ضمیر پر سوال کھڑا کر دیا۔
چدمبرم کی ضمانت خارج کرنے والے جج پر کانگریس کی تنقید
رندیپ سرجے والا نے کہا کہ آج انصاف بھروسہ کرنے والے ہر شخص اور آئین کے اقدار کو تسلیم کرنے والے ہر شہری کے دل میں افسوس کا احساس ہے، اب ان کی غیر جانبداری کا معیار کیا ہوگا، عدالت کے وہ محافظ جو حکومت کے خلاف جاکر عوام کے حقوق کا تحفظ کرتے ہیں وہ سمت کھو چکے ہیں۔ میں یہ سوال ان کی ضمیر پر چھوڑتا ہوں۔