کرونا وائرس کی صورتحال پر حکومت جواب دے

لوک سبھا میں قفہ صفر کے دوران کانگریس کے کے سریش نے کرونا وائرس کے تعل سے کہا کہ وزیر صحت کو اس سلسلہ میں جواب دے اس کے لیے کیا اقداما کیے گئے ہیں۔

لوک سبھا میں اپوزیشن جماعتوں کے اراکین نے کیرالہ میں کورونا وائرس کے پھیلنے کا معاملہ اٹھاتے ہوئے منگل کو مرکزی حکومت سے اسے روکنے کے لیے ضروری سہولیات دستیاب کرانے کے ساتھ ہی اس سلسلہ میں پارلیمنٹ میں جامع بیان دینے کا مطالبہ کیا۔

کانگریس کے ٹی این پرتاپن نے وقفہ صفر میں یہ معاملہ اٹھاتے ہوئے کہا کہ کیرالہ میں اس وائرس سے متاثر تین لوگوں کی تصدیق ہوچکی ہے۔ اس سے لوگوں میں دہشت کاماحول ہے۔ مرکزی حکومت کو متاثرہ علاقوں میں اس وائرس کو کنٹرول کرنے کے لیے سخت اقدامات کرنے چاہیے اور مالی مدد کے ساتھ طبی آلات کے لیے میڈیکل ٹیم فوری طورپر بھیجنی چاہیے۔

آر اے سی کے این کے پریم چندرن نے کہاکہ کیرالہ میں اس بیماری سے متاثرہ تین لوگو ں کی شناخت کی گئی ہے لیکن مرکزی حکومت کی طرف سے وہاں اب تک مناسب سہولیات دستیاب نہیں کرائی گئی ہیں۔ انہوں نے مرکزی حکومت سے ملک میں اس بیماری کی صورتحال کے بارے میں جواب مانگا ہے۔

کانگریس کے کے سریش نے بھی یہ معاملہ اٹھاتے ہوئے کہا کہ وزیر صحت کو اس سلسلہ میں جواب دینا چاہیے۔ پارلیمانی امور کے وزیرمملکت ارجن میگھوال نے کہاکہ حکومت اس بارے میں سنجیدہ ہے اور اراکین کے جذبات سے وہ متعلقہ وزیر کو واقف کرائیں گے'۔

خیال رہے کہ عالمی ادارہ صحت نے کرونا وائرس کو ایک عالمی ہنگامی صورتحال قرار دیا تھا۔ ادارے کا کہنا تھا کہ چین کے باہر اب تک درجنوں کیسز رپورٹ ہوئے ہیں۔

چینی حکام کے مطابق کرونا وائرس کے 2 ہزار 345 نئے کیسز بھی رپورٹ ہوئے ہیں جس کے بعد چین میں وائرس سے متاثرہ افراد کی تعداد37ہزار643 ہو گئی۔