کرناٹک کے ضلع یادگیر شہر کے ڈپٹی کمشنر آفس کے کانفرنس ہال میں محکمہ تعلیمات کے تعاون سے دسویں اور بارہویں جماعت کے امتحانات میں نمایاں کامیابی حاصل کرنے والے طلبا و طالبات کو تہنیت پیش کی گئی۔
ان طلبہ و طالبات نے ضلع یادگیر کے چار تعلقہ جات کے سرکاری اسکولز میں تعلیم حاصل کرتے ہوئے کامیابی حاصل کی ہے
یادگیر شہر کے علاوہ تعلقہ شاہ پور، تعلقہ گرمٹکل اور تعلقہ شورا پور کے طلبہ وطالبات کو ضلع نگران وزیر پربھو چوہان کے ہاتھوں تہنیت پیش کی گئی۔
اس اجلاس کی صدارت رکن اسمبلی یادگیر وینکٹ ریڈی نے کی۔ جبکہ مہمان خصوصی کے طور پر رکن پارلیمنٹ راجہ امریش نائیک نے شرکت کی۔
اس موقع پر نگران وزیر پربھو چوہان نے کہا کہ 'ضلع یادگیر دسویں جماعت کے امتحانات میں ریاست بھر میں سب سے آخر میں یعنی 34 واں مقام حاصل حاصل کیا ہے۔ اسے آئندہ برس سب سے ٹاپ بننا ہے'۔
جس کے لیے محکمہ تعلیمات کے ذمہ داران اور ضلع کے اساتذہ کو دسویں جماعت کے نتائج میں بہتری لانے کے لئے مشترکہ طور پر محنت کرنی ہوگی۔
اس موقع پر ڈپٹی کمشنر کورماراو کے علاوہ ضلعی انتظامیہ کے دیگر ذمہ داران موجود تھے۔