میرٹھ میں کورونا کے سبب نجی اسکولوں کے حالات ابتر

ملک میں کورونا انفیکشن سے جہاں سماجی اور معاشی زندگی متاثر ہوئی ہے وہیں نجی اسکولوں کے اساتذہ اور ان کے مالکان کے سامنے بھی مشکل حالات پیدا ہوگئے ہیں ایسی صورت میں اب اسکول مالکان کے ساتھ ان اسکولوں میں درس و تدریس کی خدمات انجام دینے والے اساتذہ بھی مایوسی میں زندگی گذارنے کو مجبور ہیں۔

بھارت کے نجی اسکولوں میں کبھی رونق ہوا کرتی تھی، لیکن اب ملک کے سبھی اسکولوں میں سناٹا پسرا ہے۔ کورونا انفیکشن کے خطرات کے پیش نظر حکومت کی جانب سے سبھی اسکولوں کو بند کرنے کے اعلان کر دیا گیا۔

کچھ ایسا ہی نظارہ اترپردیش کے میرٹھ کا ہے جہاں اسکولوں کے بند کے اعلان کے بعد نجی اسکولوں نے آن لائن تعلیم دینے کی کوشش کی، لیکن فیس نہ جمع ہونے سے اسکول کے اساتذہ اور اسکول مالکان بھی پریشان ہے۔

میرٹھ کی ایک ٹیچر نے ای ٹی وی بھارت کو بتایا کہ انہیں تقریبا 7ماہ سے تنخواہ نہیں دی گئی ہے، جس کے سبب انہیں سخت مایوسی ہے۔

اسکول میں فیس نہ جمع ہو نے سے پریشان اسکول مالکان اب کچھ دیگر ذریعہ معاش تلاش کرنے کی بات کرتے ہیں۔

حالانکہ حکومت کی جانب سے 15 اکتوبر سے اسکولوں کو کھولنے کی امید کی جا رہی ہے، لیکن کورونا کے مریضوں کی تعداد میں تیزی سے ہو رہے اضافہ کو دیکھتے ہوئے اس کی کم ہی امید ہے۔