'اجے کے لیے کامیڈی کرنا بہت مشکل کام ہے'

بالی وڈ اداکارہ کاجول کا کہنا ہے کہ ان کے شوہر اور اداکار اجے دیوگن کے لیے کامیڈی کرنا بہت مشکل کام ہے۔

اجے دیوگن اور کاجول جلد ہی فلم 'تاناجی' میں ساتھ دکھائی دیں گے۔ کاجول نے اجے کی سپرہٹ کامیڈی سیریز 'گول مال' پر بھی بات کی ہے ۔ انہوں نے اس سیریز میں اجے کی کامیڈی پر کہا ' یہ ان کے لیے بہت، بہت، بہت، بہت، بہت مشکل کام ہے بلکہ جب میں نے گول مال کا پہلا حصہ پہلی مرتبہ دیکھا تو میں حیران تھی'۔

کاجول نے کہا کہ میں حیران تھی کہ وہ یہ کرنے میں بھی کامیاب رہے اور یہ وہ چیز ہے جس کے بارے میں میں کہہ سکتی ہوں کہ وہ کرنا جو آپ کی فطرت کا بالکل بھی حصہ نہیں ہے۔ کاجول نے کہا مجھے لگتا ہے کہ اگر کوئی فنکار وہ کرے جو اس کی فطرت کا حصہ بالکل بھی نہیں ہے تو میرا ماننا ہے کہ اس نے کچھ حاصل کرلیا ہے۔