'مودی آمرانہ حکومت کے لیے کوشاں'

پڈوچیری کے وزیر اعلیٰ وی نارائن سامی نے وزیر اعظم نریندر مودی پر ملک میں آمرانہ حکومت کی روایت شروع کرنے کا الزام لگایا۔

نارائن سامی نے كامراج نگر اسمبلی حلقہ میں 21 اکتوبر کو ہونے والے ضمنی انتخابات کے لئے انتخابی مہم شروع کرنے کے دوران میڈیا سے کہا کہ رواداری کے فقدان کی وجہ سے مودی اس طرح کا کام کر رہے ہیں۔

انہوں نے کہا کہ ماب لنچنگ کے خلاف وزیر اعظم کو کھلا خط لکھنے والے 49 دانشوروں اور سماجی کارکنوں کے خلاف ملک مخالف سرگرمیوں کے تحت مقدمہ درج کیا گیا اور سیاسی رہنماؤں کو ڈرانے دھمکانے کے لئے مرکزی تفتیشی ایجنسی (سی بی آئی) کا غلط استعمال کیا جا رہا ہے۔

وزیر اعلی نے الزام لگایا کہ مرکز کی بھارتیہ جنتا پارٹی کی حکومت بنیادی حقوق خیال، اور اظہار رائے کی آزادی کی بھی خلاف ورزی کرنے کی کوشش کر رہی ہے۔ سابق مرکزی وزیر خزانہ اور کانگریس کے سینئر لیڈر پی چدمبرم کو قتل کی ملزمہ اندرانی مکھرجی کے بیان کی بنیاد پر جیل میں بند کر دیا گیا۔