چدمبرم کی ضمانت عرضی پر فیصلہ محفوظ

سپریم کورٹ نے آئی این ایکس میڈیا سے جڑے منی لانڈرنگ معاملے میں تہاڑ جیل میں بند سابق مرکزی وزیر پی چدمبرم کی جانب سے دائر ضمانت عرضی پر جمعرات کو اپنا فیصلہ محفوظ رکھ لیا۔

جسٹس آر بھانومتی، جسٹس اے ایس بوپنا اورجسٹس ریشی کیش رائے کی بینچ نے انفورسمنٹ ڈائریکٹوریٹ (ای ڈی) کی جانب سے پیش سالیسیٹر جنرل تشار مہتا کی دلیلیں پوری ہونے کے بعد فیصلہ محفوظ رکھ لیا۔

چدمبرم کی جانب سے سینیئر وکیل کپِل سبل اور ابھیشیک منو سنگھوی نے کل دن بھر بحث کی تھی، اس کے بعد تشار مہتا نے آج دلیلیں پوری کیں۔

چدمبرم نے دہلی ہائی کورٹ کے ذریعہ 15 نومبر کو ضمانت عرضی خارج کیے جانے کےخلاف سپریم کورٹ کا رخ کیا تھا۔