دن دہاڑے چین لوٹ کر فرار

دارالحکومت دہلی سے متصل نوئیڈا میں چوری کی واردات میں دن بدن اضافہ ہوتا جا رہا ہے۔

نوئیڈا کے ایس ایس پی کرشن بیبھو جہاں ایک طرف نظم و ضبط کو درست کرنے کا دعوی کرتے ہوئے دیکھائی دیتے ہیں، تو دوسری طرف چوری کی واردات بھی جاری ہے۔

آج دن دہاڑے نوئیڈا کے وی آئی پی علاقے سیکٹر 27 کے ڈی بلاک مارکیٹ میں خاتون کے گلے سے پلسر پر سوار لٹیرے چین کھینچ کر فرار ہو گئے اور لوگ تماشائی بنے دیکھتے رہے۔

متاثرہ خاتون کا کہنا ہے کہ چین اسنیچر کالے رنگ کی پلسر پر آئے اور گلے سے چین لوٹ کر فرار ہو گئے۔

ان کا کہنا ہے کہ انھوں نے گاڑی کا نمبر پڑھنے کی کوشش کی، لیکن کوئی وہ نہیں پڑھ سکے اور لٹیرے آرام سے فرار ہوگئے۔