22 ویں لاء کمیشن کی تشکیل کو مرکز کی منظوری

مرکزی حکومت نے 22 ویں لاء کمیشن کو منظوری دے دی ہے اور اس کی مدت کار تین برس کی ہوگی۔

وزیر اعظم نریندر مودی کی صدارت میں کابینہ کے بدھ کے روز ہونے والے اجلاس کے بعد اطلاعات و نشریات کے مرکزی وزیر پرکاش جاؤڈیکر نے یہاں پریس کانفرنس میں یہ اطلاع دی۔

کمیشن نئے قوانین کی ضرورت اور پرانے قوانین کو ختم کرنے کی سفارش کرتا ہے۔ انہوں نے کہا کہ کمیشن کی تشکیل حکومت، وقت وقت پر کرتی ہے۔

یہ پہلی بار 1955 میں تشکیل دیا گیا تھا۔ گذشتہ یعنی 21 ویں لاء کمیشن کی مدت کار 31 اگست 2018 کو ختم ہوگئی تھی۔ انہوں نے کہا کہ ملک کے قوانین سے بہتری لانے کے لیے تشکیل دیے جانے والے کمیشن میں ایک چیئرمین اور چار رکن ہوتے ہیں۔ یہ تمام کل وقتی ہوتے ہیں۔