کنہیا کمار پر مقدمہ درج

جے این یو طلباء یونین کے سابق صدر اور بیگوسرائے سے سی پی آئی کے امیدوار کنہیا کمار کے روڈ شو میں گزشتہ روز ہنگامہ ہوا تھا جس میں ان کے حامیوں اور مخالفین کے مابین لاٹھیوں اور ڈنڈوں کا استعمال کیا گیا تھا۔

ہنگامہ آرائی کی پاداش میں کنہیا کمار سمیت ان کے 12 حامیوں پر مار پیٹ کا مقدمہ درج کیا گیا ہے، جبکہ 100 سے زائد نامعلوم افراد پر بھی ہنگامہ آرائی اور مار پیٹ کا مقدمہ درج کیا گیا ہے۔

واضح رہے کہ گزشتہ روز بیگوسرائے کے رامداری نامی گاؤں میں کنہیا کمار کے روڈ شو کے دوران انہیں سیاہ جھنڈے دکھائے گئے تھے جس کے بعد کنہیا کے حامییوں اور مخالفین میں زبردست جھڑپ ہو گئی جس میں لاٹھیوں اور ڈنڈوں کا استعمال کیا گیا تھا۔