مشہور کارٹونسٹ سدھیر ڈار کا آج دل کا دورہ پڑنے سے انتقال ہوگیا، ان کی عمر 87برس تھی۔
الہ آباد موجودہ (پریاگ راج) میں وہ پیدا ہوئے تھے، ڈار نے اپنے کیریئر کا آغاز آکاشوانی سے کیا تھا۔
انہوں نے ریڈیو میں ایک پروگرام کے دوران اسٹیٹسمین کے ایڈیٹر کا ہی کارٹون بنادیا تھا جس کے بعد انہیں اخبار میں کام کرنے کا آفر ملا۔
اس کے بعد ان کے کارٹون ہندوستان ٹائمس' دی انڈی پن ڈنٹ' دی پائی نیئر' دہلی ٹائمس' نیویارک ٹائمس سمیت متعدد اخبارات میں شائع ہونے لگے۔
اس کے علاوہ وہ وزارت سیاحت' وزارت خارجہ کے لئے ڈائری بناتے تھے اور انہوں نے ورلڈ بینک کے لئے بیس برسوں تک کلینڈر بھی بنایا۔
مزید پڑھیں:'پانچ ٹریلین معیشت کا خواب محض ایک جملہ'
کئی ایوارڈ جیت چکے مسٹر ڈار کو ایڈیٹوریل کارٹونسٹ کی دوسری نسل کے طورپر جانا جاتا ہے۔
