راجستھان کابینہ کا اجلاس ختم

راجستھان ہائی کورٹ کی جانب سے اسمبلی اسپیکر کے نوٹس پر روک لگائی گئی ہے، اب اسپیکر اگلی سماعت تک ایم ایل اے کو نااہل قرار نہیں دے سکتے ہیں، اسی کے ساتھ ہی وزیر اعلی گہلوت اسمبلی اجلاس بلانے اور اکثریت ثابت کرنے پر بضد ہیں۔

ریاست راجستھان میں سیاسی شورش کے درمیان وزیر اعلی اشوک گہلوت کی رہائش گاہ پر جاری کابینہ کی میٹنگ ختم ہو گئی ہے، قریب دو گھنٹے بیس منٹ تک یہ میٹنگ جاری رہی۔

اس سے قبل وزیر اعلی اشوک گہلوت اراکین اسمبلی کو اپنے ہمراہ لے کر راج بھون پہنچے اور وزیر اعلی اشوک گہلوت نے گونر سے اسمبلی اجلاس بلانے کی اپیل کی۔

گورنر کلراج مشرا نے ابھی کورونا بحران کا حوالہ دے کر اسمبلی کا ہنگامی اجلاس بلانے سے انکار کر دیا، بتا دیں کہ راج بھون میں کانگریس کے اراکین اسمبلی دھرنے پر بیٹھ گئے تھے۔