گجرات اسمبلی میں سی اے اے کی حمایت میں بل منظور

آج گجرات قانون ساز اسمبلی اجلاس میں شہریت ترمیمی قانون کی حمایت میں بل منظور کیا گیا ہے لہذا سی اے اے کے تعلق سے بل منظور کرنے والی گجرات پہلی ریاست بن گئی ہے۔

واضح رہے کہ گجرات اسمبلی اجلاس میں اکثریت کے ساتھ یہ بل منظور کرلیا گیا تو وہیں اس موقع پر کانگریس نے کافی ہنگامہ بھی برپا کیا تھا اور پرزور مخالفت کے باوجود بھی اسمبلی اجلاس کے آخری وقتوں میں یہ بل منظور ہوگیا۔

گجرات قانون ساز اسمبلی

اس موقع پر بی جے پی گجرات کے صدر جیتو واگھانی نے کانگریس پر الزام لگاتے ہوئے کہا ہے کہ اجلاس کے دوران کانگریس نے کچھ نہیں کہا اور باہر کانگریس شہریت ترمیمی قانون کو لے کر مخالفت کرنے کی بات کر رہی ہیں۔

اب دیکھنا یہ ہے کہ شہریت ترمیمی قانون کی حمایت میں منظور کیے جانے والے اس بل پر گجرات کی عوام کیا ردعمل ظاہر کرتی ہے؟