بی ایس پی رہنما کانگریس میں شامل

سماج وادی پارٹی کے دو مرتبہ رکن اسمبلی رہے حاجی ضمیراللہ گذشتہ دنوں قبل بہوجن سماج پارٹی میں شامل ہوئے تھے اور اب کانگریس پارٹی میں شمولیت اختیار کرلی۔

علی گڑھ شہر اور کول اسمبلی سے دو مرتبہ کے رکن اسمبلی رہے ہیں۔ حاجی ضمیر اللہ خان نے کانگریس میں شامل ہوکر سیاسی گرمی پیدا کر دی ہے۔ انہوں نے آل انڈیا کانگریس پارٹی کے جنرل سکیریٹری جوتی رادتیہ سندھیا کی موجودگی میں کانگریس پارٹی کی رکنیت اختیار کرلی۔

کانگریس میں شامل ہونے کے موقعے پر ان کے ساتھ علیگڑھ سے سینئیر کانگریسی رہنما روحی زبیری بھی موجود تھیں۔

واضح رہے کہ گزشتہ روز ہریانہ کے سابق وزیراعلی بھوپندر سنگھ ہڈا کی علیگڑھ آمد ہوئی اور وہ حاجی ضمیراللہ کی رہائش گاہ پر پہنچے تھے۔ جس کے بعد بہت سے سوال اٹھے تھے۔ حاجی ضمیر اللہ نے کانگریس میں شمیولیت اختیار کرکے سبھی سوالوں کے جواب دے دیے ہیں۔