مظفر پور شیلٹر ہوم معاملہ: برجیش ٹھاکر نے نابالغ کا جسمانی، ذہنی اور جنسی استحصال کیا

دہلی ہائی کورٹ میں دائر حلف نامے میں سی بی آئی نے کہا ہے کہ مظفر پور شیلٹر ہوم کیس کے مرکزی ملزم برجیش ٹھاکر نے نابالغ بچیوں کے ساتھ جسمانی، ذہنی اور جنسی استحصال کیا۔

مظفر پور شیلٹر ہوم معاملے میں سی بی آئی نے کہا ہے کہ ملزم برجیش ٹھاکر نے نابالغ لڑکیوں کے ساتھ جسمانی ، ذہنی اور جنسی استحصال کیا۔ دہلی ہائی کورٹ میں اپنے حلف نامے میں سی بی آئی نے کہا ہے کہ برجیش ٹھاکر نے مظفر پور گرلز ہوم کو ملنے والی سرکاری گرانٹ کا غلط استعمال کیا۔ جسٹس وپن سانگھی کی سربراہی میں بنچ برجش ٹھاکر کی درخواست پر 15 ستمبر کو سماعت کرے گا۔

سی بی آئی نے کہا کہ ٹرائل کورٹ نے برجیش ٹھاکر کو مجرم قرار دینے میں کوئی غلطی نہیں کی ہے۔سی بی آئی کی جانب سے ایڈوکیٹ راجیش کمار نے کہا کہ ان کا جواب کل ہی درج کیا گیا ہے اس لیے عدالت میں اس کا کوئی ریکارڈ موجود نہیں ہے۔اس کے بعد عدالت نے 15 ستمبر کو دلائل سننے کا حکم دیا۔

22 جولائی کو ہائی کورٹ نے مظفر پور شیلٹر ہوم کیس کے مرکزی ملزم برجیش ٹھاکر کو ٹرائل کورٹ میں سزائے موت کے خلاف دائر درخواست کی سماعت کے دوران سی بی آئی کو نوٹس جاری کیا تھا۔ برجیش ٹھاکر نے عمر قید کے حکم کو دہلی ہائی کورٹ میں چیلنج کیا ہے۔ برجیش ٹھاکر کو دہلی کی ساکیت عدالت نے عمر قید کی سزا سنائی تھی۔ساتھ میں عدالت نے برجیش ٹھاکر پر 32 لاکھ روپے جرمانہ عائد کیا تھا۔

واضح رہے کہ فروری کو ساکیت عدالت کے ایڈیشنل سیشن جج سوربھ کلشریشٹھ نے مظفر پور شیلٹر ہوم کیس میں سزا سنائی تھی۔ساکیت عدالت نے تین خواتین سمیت 11 مجرموں کو عمر قید کی سزا سنائی تھی۔عدالت نے چار خواتین سمیت چھ مجرموں کو سات سال قید کی سزا سنائی۔ ایک خاتون کو چھ ماہ قید کی سزا سنائی گئی۔تاہم اس خاتون نے جیل میں چھ ماہ سے بھی زیادہ گزارے تھے اسلیے اس کی رہائی کا حکم دیا۔

سپریم کورٹ کے حکم کے بعد یہ معاملہ بہار سے دہلی منتقل کیا گیا

پہلے یہ معاملہ بہار کی عدالت میں زیر سماعت تھا۔لیکن 7 فروری 2019 کو ، سپریم کورٹ نے اس معاملے کی سماعت کو دہلی کے ساکیت عدالت میں منتقل کرنے کا حکم دیا ہے۔ سپریم کورٹ نے ہدایت دی تھی کہ اس کیس کی سماعت 6 ماہ میں مکمل کی جائے۔ اس کے بعد ساکیت عدالت نے 25 فروری 2019 سے سماعت شروع کردی۔