اردو

urdu

ETV Bharat / bharat

مرکزی حکومت سے فنڈ کے مطالبہ پر بی جے پی رہنما حیران - مرکزی حکومت سے فنڈ کے مطالبہ پر بی جے پی رہنما حیران

دہلی کے وزیراعلیٰ اروند کیجریوال اور نائب وزیراعلیٰ منیش سسودیا نے کورونا وائرس کے انفیکشن کو روکنے کے لیے مرکزی حکومت سے مدد طلب کرنے پر بی جے پی کے ریاستی صدر منوج تیواری اور کپل مشرا نے حیرت کا اظہار کیا ہے۔

Manish Sisodia, BJP Delhi President Manoj Tiwari
منیش سیسودیا ، بی جے پی دہلی ریستی صدر منوج تیواری

By

Published : Apr 5, 2020, 8:10 PM IST

دہلی ریاستی بی جے پی صدر منوج تیواری نے کہا کہ 23 ​​مارچ کو دہلی حکومت نے اسمبلی میں 65000 کروڑ کا بجٹ پیش کیا تھا وہ بھی اسمبلی کے پانچ روزہ اجلاس کی بجائے صرف ایک دن کے اجلاس میں ہی منظور کیا گیا جسکی دلیل کورونا وائرس کو بنایا گیا تھا۔

حیرت کی بات یہ ہے کہ ان سب کے باوجود دہلی حکومت ڈاکٹرز اور نرس کے لیے ایک یا دو کروڑ روپے کی پی پی ای کٹس خریدنے سے قاصر ہے۔

منوج تیواری نے کہا کہ رام ہی جانے کہ اس کے پیچھے اروند کیجریوال کا کیا ارادہ ہے؟

وہیں دوسری طرف بی جے پی رہنما کپل مشرا نے منیش سسودیا کی جانب سے مرکزی حکومت سے کورونا سے لڑنے کے لیے فنڈز کے مطالبہ پر اعتراض کیا۔

کپل نے کہا کہ سیسودیا کہہ رہے ہیں کہ کورونا سے لڑنے کے لیے پیسوں کی کمی ہے لیکن مودی حکومت پیسہ نہیں دے رہی ہے۔

جبکہ دہلی حکومت نے صرف کیجریوال کے ماڈلنگ اشتہارات پر 400 کروڑ روپئے خرچ کیے ہیں۔ انہوں نے سوال کیا کہ دہلی حکومت کے پاس پیسوں کی کمی تھی تو پھر توہین آمیز اشتہاروں پر کروڑوں خرچ کیوں کیا گیا؟

واضح رہے کہ دو روز قبل وزیراعلیٰ اروند کیجریوال نے مرکزی حکومت سے دہلی کے اسپتالوں میں تعینات ڈاکٹروں اور دیگر کارکنوں کے لیے پی پی ای کٹس (ذاتی حفاظت کٹس) اور وینٹیلیٹر فراہم کرنے کا مطالبہ کیا تھا۔

جبکہ دہلی کے نائب وزیراعلیٰ منیش سسودیا نے ایک خط لکھ کر دہلی حکومت کو فنڈ دینے کا مرکزی حکومت سے مطالبہ کیا تھا جیسے مرکز کی جانب سے کورونا وائرس سے لڑنے کے لیے دیگر ریاستوں کو فنڈ دیا گیا ہے۔

For All Latest Updates

ABOUT THE AUTHOR

...view details