اس کے ساتھ ہی امیتابھ بچن اور ان کے خاندان کی صحت کے لیے دیگر بالی وڈ اسٹارز اور سلیبریٹیز سمیت مداحوں کی جانب سے نیک تمناؤں کا اظہار کیا جارہا ہے۔
دہلی کے بی جے پی کے رکن پارلیمنٹ اور دہلی کے سابق ریاستی صدر منوج تیواری نے بھی بگ بی کی جلد صحت یابی کی دعا کرتے ہوئے ویڈیو پیغام جاری کیا ہے۔
انہوں نے کہا کہ مضبوط اعصاب کے مالک امیتابھ بچن ماضی میں بھی ایسے چیلنجز کا سامنا کر چکے ہیں۔ ہمیں امید ہے کہ وہ کچرونا کو بھی شکست دے کر جلد صحت یاب ہو کر سامنے آئیں گے۔
امیتھابھ بچن نے گزشتہ روز اپنے آفیشل ٹوئٹر اکاؤنٹ سے ٹوئٹ شیئر کرتے ہوئے بتایا تھا کہ وہ مہلک وائرس کا شکار ہوگئے ہیں۔
بعد ازاں ابھیشیک بچن نے بھی ٹوئٹ کے ذریعے سے ہی وائرس میں مبتلا ہونے کی تصدیق کی۔ ابھیشیک بچن نے اپنی ٹوئٹ میں لکھا کہ والد اور میرا کورونا ٹیسٹ مثبت آیا ہے، ہم دونوں کو ہلکی علامات ہیں اور اسپتال میں داخل ہوچکے ہیں۔
