امین آباد کا نوجوان یو پی ایس سی میں کامیاب

ریاست بہار کے ضلع گیا کے ایک گاؤں امین آباد سے تعلق رکھنے والے شاہد رضا خان نے یو پی ایس سی میں کامیابی حاصل کر کے پورے علاقے کے لیے ایک مثال پیش کی ہے۔

مدرسہ اشرفیہ سے عالمیت کی تعلیم حاصل کرنے کے بعد شاہد نے جے این یو کا رخ کیا اور پھر یو پی ایس سی کا خواب دیکھنے لگے۔

شاہد نے مسلسل محنت اور لگن سے دوسری کوشش میں 751 رینک کے ساتھ کامیابی حاصل کی۔

شاہد کے والد ممتاز خان کا کہنا ہے کہ اللہ نے ان کے بیٹے کو محنت کا بہترین ثمر دیا ہے۔

عالمیت کے بعد یو پی ایس سی کے سوال کے متعلق شاہد کے بڑے بھائی کا کہنا ہے کہ ان کے گھر میں بچوں کو پہلے مدرسہ بورڈ سے ہی تعلیم دلائی جاتی ہے۔