بہار: این ڈی اے کی میٹنگ میں حکومت کی تشکیل پر تبادلہ خیال

واضح ہو کہ جمعرات کو جے ڈی یو آفس میں صحافیوں سے گفتگو کرتے ہوئے نتیش کمار نے کہا تھا کہ وزیراعلی کے عہدے کے لیے انہوں نے دعوی نہیں کیا ہے، بلکہ این ڈی اے اس کا فیصلہ کرے گی۔

بہار اسمبلی انتخابات کے نتائج کے بعد سرکار تشکیل کی کوشش تیز ہوچکی ہے۔ آج نتیش کمار کی رہائش گاہ پر این ڈی اے کی میٹنگ ہوئی۔ میٹنگ میں حکومت تشکیل کو لے کر غور وفکر کے ساتھ ہی کابینہ تشکیل کرنے کی سفارش کی گئی۔ میٹنگ میں این ڈی اے (بی جے پی، جے ڈی یو، ہم اور وی آئی پی) کے بڑے رہنما شامل ہوئے۔ نتیش کمار کے گورنر فاگو چوہان سے ملاقات کرنے کی خبریں بھی ہیں

اطلاع کے مطابق سی ایم نتیش کمار راج بھون روانہ ہوچکے ہیں۔ اس دوران گورنر کو استعفیٰ سونپیں گے اور نئی حکومت تشکیل دینے کی سفارش کریں گے۔

واضح ہو کہ جمعرات کو جے ڈی یو آفس میں صحافیوں سے گفتگو کرتے ہوئے نتیش کمار نے کہا تھا کہ وزیر اعلی کے عہدے کے لیے انہوں نے دعوی نہیں کیا ہے، بلکہ این ڈی اے اس کا فیصلہ کرے گی۔

خیال رہے کہ 15 نومبر کو بی جے پی نے قانون ساز پارٹی کا اجلاس طلب کیا ہے، یہاں یہ ذکر کرتے چلیں کہ ا بار انتخابات میں بی پی کو 74 نشستوں پر کامیابی ملی ہے، آر جے ڈی کے بعد ریاست میں دوسری سب سے بڑٰ پارٹی بن گئی ہے۔

حالانکہ یہ بات واضح کر دوں کہ این ڈی اے نے نتیش کمار کی قیادت میں بہار اسمبلی انتخابات لڑنے کا اعلان کیا تھا، این ڈی اے اتحاد کی اہم جماعت بی جے پی کی جانب سے بھی یہ مسلسل کہا جاتا رہا ہے کہ بہار میں وزیر اعلی نتیش کمار ہی ہوں گے۔

قبل ازیں وزیر اعظم نریندر مودی نے دہلی میں واقع بی جے پی کے مرکزی دفتر میں بہار انتخابات میں ملی کامیابی کے بعد منعقد

جشن میں پارٹی کارکنان سے خطاب کے دوران کہا تھا کہ بہار کے اگلے وزیر اعلی نتیش کمار ہی ہوں گے۔