بھلائی پلانٹ کے مینیجر نے خود کشی کر لی

ریاست چھتیس گڑھ کے ضلع بھلائی میں بھلائی اسٹیل پلانٹ کے کوک اووَن میں سینیئر مینیجر کے عہدے پر فائز وکاس کمار نے گذشتہ رات کو پھانسی لگا کر خود کشی کر لی۔ وہ تقریباً 42 برس کے تھے۔

سٹی سپرنٹنڈنٹ پولیس اجیت یادو نے بتایا کہ وکاس بی ایس پی کے وَیزاگ ہاسٹل سیکٹر تین میں رہتا تھا۔ رات نو بجے اسے نائٹ شفٹ کی ڈیوٹی کے لیے جانا تھا۔ جب وہ وقت سے باہر نہیں نکلا تو پڑوسیوں نے آواز لگائی۔ کافی دیر تک دروازہ نہیں کھلا تو دروازہ توڑا گیا۔ کمرے کے اندر مینیجر کی لاش پھندے سے جھولتی ملی۔ جس کی اطلاع فوراً پولیس کو دی گئی۔ پولیس نے پنچنامہ کے بعد لاش کو پوسٹ مارٹم کے لیے بھیج دیا۔

انہوں نے بتایا کہ ہلاک ہونے والا مینیجر اترپردیش کے ضلع میرٹھ رہنے والا تھا۔ خودکشی کی وجہ ابھی تک پتہ نہیں چل پایا ہے۔