سورو گانگولی کو دل کا دورہ پڑا، اسپتال میں داخل

بھارتی کرکٹ ٹیم کے سابق کپتان اور بی سی سی آئی کے چیئرمین سورو گانگولی کو کولکاتا کے ووڈ لینڈ اسپتال میں داخل کیا گیا۔

بی سی سی آئی کے 48 سالہ چیف سوربھ گنگولی دل کے دورہ کے باعث ووڈ لینڈ اسپتال میں داخل کیے گئے ہیں۔

انہیں سینے میں تکلیف ہوئی تھی جس کے باعث انہیں فوری طور پر اسپتال میں داخل کیا گیا۔

بی سی سی آئی کے صدر سورو گنگولی اب خطرے سے باہر ہیں اور شام کے وقت ان کا انگیو پلاسٹی کیا جائے گا۔

کرکٹ ایسو سی ایشن کے جنرل سیکریٹری اسنہاسیش گنگولی (سورو گنگولی کے بھائی) اس وقت ہسپتال میں موجود ہیں، نے میڈیا کو بتایاکہ سورو نے سینے میں درد کی شکایت کی۔

اس کے بعد ہی انہیں فوراً نجی ہسپتال میں داخل کرایا گیا۔ وہ خطرے سے باہر ہیں۔ وہ ڈاکٹروں کی نگرانی میں ہیں۔مغربی بنگال کی وزیراعلی ممتا بنرجی نے ٹویٹ کرتے ہوئے کہا کہ امید کرتی ہوں کہ سورو گنگولی کی حالت جلد ہی بہتر ہو جائے گی۔ ان کی جلد صحت کی متمنی ہوں۔ انہوں نے کہا کہ سورو گنگولی کی خبر سن کر تھوڑی مایوسی ہوئی مگر دادا بہادر شخص ہیں۔وہ ہسپتال سے جلد ڈسچارج ہو جائیں گے۔

بی سی سی آئی نے بھی ٹویٹر کے اکاؤنٹ پر سورو گنگولی کی صحتیابی کی نیک خواہشات کا اظہار کیا۔

واضح رہے کہ گزشتہ چند دنوں سے سورو گنگولی گورنر جگدیپ دھنکر اور وزیر داخلہ امت شاہ سے ملاقات کے سبب سرخیوں میں رہے۔