ریاست اترپردیش کے شہر رامپور میں آج سماجوادی پارٹی کے سینیئر رہنما اور ایس پی، بی ایس پی اتحاد کے امیدوار اعظم خاں نے انتخابی جلسے سے خطاب کرتے ہوئے کہا کہ 'مودی حکومت ہر محاذ پر ناکام ہوچکی ہے'۔ انہوں نے کہا کہ 'میری بھینسیں چوری ہوگئیں تو مودی جی پریشان ہو گئے۔ اس کا مطلب ہے کہ میں ان کے نشانہ پر ہوں۔
اعظم خان کا مودی پر شدید تنقید اعظم خاں نے کہا کہ میں ان سے پوچھنا چاہتا ہوں کہ جب آپ قندھار گئے تھے تو وہاں سے بغیر اجازت پاکستان کیوں چلے گئے۔ ہمارے فوجیوں کے سر اتارکر لے جانے والا پاکستان کے وزیر اعظم کی ماں کو آپ کشمیری شال اڑھا کر آتے ہیں اور ملیح آباد سے آم ان کے لیے لے جاتے ہیں۔
انہوں نے یہ بھی کہا کہ مودی جی کو یہ بھی بتانا چاہیے کہ پاکستان کے وزیر اعظم عمران خان کیوں اس بات کی خواہش ظاہر کر رہے ہیں کہ مودی دوبارہ بھارت کے وزیر اعظم بنیں ۔
