بی جے پی سرحدوں کا سودا کررہی ہے:اعظم خاں

سماجوادی پارٹی کے سینیئر رہنما اعظم خان نے مرکز کی حکمراں جماعت بھارتیہ جنتا پارٹی پر یہ الزام عائد کیا ہے کہ بی جے پی پلوامہ حملے میں ہلاک ہوئے فوجیوں کے نام پر سیاست کررہی ہے۔

انہوں نے کہا کہ : ' بھارتیہ جنتا پارٹی نہ صرف فوجیوں کے نام پر سیاست کررہی ہے بلکہ سرجیکل اسٹرائک کو اپنے انتخبابی منشور میں اپنے مفاد کی سیاست کے طور پر استعمال کررہی ہے'۔

سماج وادی پارٹی کے قدآور رہنما اعظم خان یہیں نہیں رکے بلکہ شدید نکتہ چینی کرتے ہوئے یہاں تک الزام عائد کردیا کہ : ' بی جے پی سرحدوں کا سودا کر رہی ہے۔ بی جے پی پر نکتی چینی کرتے ہوئے انہوں نے مزید کہا کہ پہلے یہ خون کا سودا کیا کرتے تھے اب سرحدوں کا سودا کررہے ہیں۔ اعظم خان نے مزید کہا کہ موجودہ حکمراں جماعت نے اپنے دوراقتدار میں 'شہیدوں کے سر کا بھی سودا کیا ہے'۔