اترپردیش کے نوئیڈا میں بھیم آرمی کے بانی چندر شیکھر نے سیاسی پارٹی کا اعلان کیا اس پارٹی کا نام آزاد سماج پارٹی رکھا گیا ہے، اس کے بعد منعقدہ پروگرام سے خطاب کرتے ہوئے متفقہ طور پر چندر شیکھر آزاد کو پارٹی کا صدر مقرر کیا گیا۔
چندر شیکھر کی پارٹی اتر پردیش کی سبھی نشستوں پر لڑے گی انتخاب
آزاد سماج پارٹی کے قومی صدر چندر شیکھر نے اس موقع پر کہا کہ حکومت نے ایسے حالات پیدا کر دیے ہیں کہ پارٹی تشکیل دینی پڑی۔ ریزرویشن کو ختم کرنے کی کوششیں، بڑھتی بے روزگاری، تعلیم، صحت، شہریت اور معیشت پر حکومت ہر جگہ ناکام ہوچکی ہے، موجودہ حکومت آمرانہ ایجنڈے کو لوگوں پر مسلط کر رہی ہے اور اگر کوئی حکومت کے ایجنڈے کے خلاف آواز بلند کرتا ہے تو اس کے خلاف کارروائی کی جا رہی ہے۔ایسے میں ان کی پارٹی سیاسی طور پر لڑے گی۔