آسٹریلیائی کرکٹ ٹیم نے بھارتی ٹیم کو ٹی 20 میں کلین سویپ کردیا ہے، پہلے ٹی20 میں بھارتی ٹیم کو 3 وکٹ سےشکست ہوئی تو دوسرے ٹی20 میں بھارتی کرکٹ ٹیم کو 7 وکٹوں سے شکست کا سامنا کرنا پڑا تھا۔
آسٹریلیا ٹیم کی کپتانی کررہے ارون فنچ نے وراٹ کوہلی کی خوب تعریف کی ہے۔ ارون فنچ نے وراٹ کوہلی کی تعریف کرتے ہوئے انہیں عظیم کھلاڑی قرار دیا۔
فنچ نے کہا کہ کوہلی کے خلاف ہر کسی نے سب کچھ کر کے دیکھ لیا پھر بھی انہیں کوئی روک نہیں سکا۔ وہ ونڈے کے بہترین کھلاڑی ہیں۔ ان کے ریکارڈز ان کی شخصیت کا غماز ہے۔
فنچ نے کہا کہ ان کو سب سے پہلے ہی پویلین بھیجنا پڑے گا اگر وہ آدھا موقع بھی دیتے ہیں تو ہمیں اس موقعے کا فائدہ اٹھانا پڑےگا ورنہ تو وہ مخالف ٹیم پر اتنے بھاری پڑتے ہیں کہ انہیں آؤٹ کرنا مشکل ہوجاتا ہے۔
انہوں نے مذید کہا کہ ہم نے ان کے خلاف کئی کامیابیاں حاصل کی ہیں تو وہیں انہوں نے بھی ہمارے خلاف کامیابیاں حاصل کی ہیں۔ میدان میں ان کے خلاف صبر کے ساتھ کھیلنا پڑتا ہے۔ اگر آپ ان کو خود پر حاوی ہونے دونگے تو آپ کا ہی نقصان ہوگا۔
